وقفت عهالتراب عد حباتو
كانوا كتار وكتار خيراتو
شو عملتوا بكيميا هالأرض
حتى تغيرت تركيبة الطهر بذراتو
كان النوم عميق وراحة بال
صار الوسن رفيق والآهات كلماتو
تبكي ع ماضي راح وموجوع
من خيانة غدار وصدى حكايتو
ابنك موإلك وخيك كان سند
يبكي على همك وتنسمع أناتو
ليش هيك صرنا بليلة عاصفة
يلعب فينا القهر بكل اتجاهاتو
النهب صار تهمة جميلة
والقتل تنوعت جناياتو
حيران بابن هالبلد
ولك كيف هيك تغيرت خياراتو
الفساد خلق صغير وربي بينا
وهلق كبر وعميدوقنا مراراتو
الوجع صار عنوان
والعاقل تبدلت قناعاتو
بحق محمد وموسى والمسيح
ترحّموا على دم شهيد قدم دماتو
حتى يبقى هالتراب طاهر
ماينباع وتضيع حباتو
وشكل الحكاية ياخيي كبرت
والأمل موجوع وضاعت رهاناتو
وقفت حيرانة والقلب موجوع
عروح شهيد بين الحق والباطل
تبخرت أهاتوا.
مقهورة عوطن صارهمك فيه
مجرد وجود عابر تسلّك بلقماتو
شربة مي ماتنذل فيها
بواقع صار نار ومفرغة حلقاتو
ثنائية وطن بين شمس وفي
طهر ونجاسة، حرامي وشهيد
ضاعت أماناتو.
راوية زاهر
.....................
تحياتنا للشاعرة
مسؤول التوثيق الشاعرة هيفاء علي خدام
مديرة الملتقى الشاعرة وديعة درويش
ليست هناك تعليقات:
إرسال تعليق