ورد نـيـسان
========
عشقك
ورودك يا نيسان
شذاها يسبح بدمّي
موشّحة بألوان
و كلّ لون بلهفة للضّمة
و النّدى فوقها غفيان
متل الشّهد
رحت الصّبح بكير
سابق النّحلات
لآخد رشفة
أنا بتمّي
بشمّة
الوردات
عيونك تخيلت
شمّة
ورا شمّة
و النّسيم
يداعب البتلات
و لعندك بعتّـو
ت يقلك
حبيبك
بعت معي الأشواق
و وردة مع البوسات
حملتها من تمّو
على تمّي
ت حطّها عشفافـك
اللي لونها من لون هالوردات
وقل لي
أمانة عليك يا مرسال
ع جوانحك
جب لي شي تذكار
من عطرها ت شمّو
تتروح من القلب غصّة
و من الصّدر
تتروح هالغمّة
الله معك . .
الله معك
فرجينا هالهمّة .
@ Adel : 18/03/2020
ليست هناك تعليقات:
إرسال تعليق