قطفة شعر ..زورق الليل .....بقلم الشاعر جمال خضور

قطفةشعر.. من (زورق الليل) 

قاعْدِي عَ المَصْطَبة.. 

وبإيدها مَغْزلْ.. 

وقْبالها... قلبْ.. 

بالشَّرْنَقَة.. 

يْسَوّي حَريرْ.. 

لَ يْضوجْ..وينْعَسْ.. 

 هاالمَغَزَلْ.. 

و مِنْ إيدها.. 

يهرَبْ هالحَريرْ.. 

بَعدْ الغَزِلْ.. 

شو صارْ.. 

نَسْجِتْ للحلو شالْ.. 

مِتلْ عيونها.. 

خَضْرا..

وعَ حٰرافْ الشّْالْ.. 

شْفافْ ..مَرْسومي/ة.. 

متلْ وردْ الجِردْ.. 

حَمْرا.. 

وخْدودْ ياوَردْ.. 

مَرْمَرْ.. 

 قِصَصْ مكْتوبة.. 

منْ روحْ الهوىٰ.. 

سَمَرْا..

وسُمّْارَكْ ياحَريرّ.. 

فْراشاتّ.. 

عَ ضَوّّ القَنديلْ.. 

تِرْقُصْ.. 

اتِفْتَحْ خْوابي العِشِقْ.. 

واتْمَلّْي كاساتْ.. 

مِنْ شَهدِ الهوىٰ.. 

وتِسْكَرْ.. 

والحلوة عَ المَصْطَبة.. 

اتغازِلْ المَغْزَلْ.. 

وياحَريرْ قِلّْي..

شو سَوِّتْ هالشّرْنَقَة.. 

آهْ ياحلو... 

ذَكِّرني.. واتْذَكّرْ...

           سوريا/جمال خضور

..................................

تحباتنا للشاعر 

مسؤول التوثيق الشاعرة هيفاء علي خدام

مديرة الملتقى الشاعرة وديعة درويش